السلام عليكم ورحمة الله وبركاته
في هذا الموضوع بعرض تجربتي.
اسم الموقع:
Espresso Underground
رابط الموقع:
https://www.espressounderground.co.uk
صورة الموقع:
التجربه كانت شراء مطحنة يوركا اتوم 85
سعر الطاحونة من غير الضريبة البريطانية £698.53 يعني 3413 ريال تقريباً.
طبعاً الموقع ماحط سعر الشحن للسعودية كاتبين اذا شريت الطاحونة سوف نتواصل معك ونعلمك سعر الشحن.
شريت الطاحونة باستخدام الـ PayPal قلت عشان لو صار مشكله ولا شي نشبت مع الدعم الفني حقهم.
شريت الطاحونة بعدها تواصل معي بيتر واحد شغال في الموقع.
بعدها بثلاث ايام رسلي تكلفة الشحن وكانت ب130 £ يعني 635 ريال تقريباً.
بعد ما دفعت سعر الشحن من بكرة رد علي وقال إن الشحنة في طريقها لك.
الغريب ما ارسلي التراك نمبر حق الشحنه وسألته ورد علي قال اني شحنتها دايركت ولا فيه تراك نمبر بس اذا ماوصلت خلال 7 ايام تواصل معنا.
بعدها بكم يوم في تاريخ 6 اكتوبر جاني sms من DHL اني اكمل باقي المعلومات وكان معه التراك نمبر.
بعدها تواصلت مع DHL ولطعوني اكثر من يوم وسددت ضريبة القيمة المضافة، والتخليص 30 ريال وكان المجموع 678 ريال.
كلفتني الطاحونة مع الشحن والضريبة 4760 ريال.
هذا الكرتون يوم وصلني والحمد لله الشحنه كانت سليمة.
طبعاً لو الطاحونة كانت متوفرة هنا شريتها بس غير متوفرة وما ادري متى بتتوفر بالنسبة لي كانت تجربة جديدة.
في الأخير هذي تجربة شخصية ممكن اي شخص يمر بتجربة اخرى غير الي مريت فيها انا.
لو مر احد بتجربة غيرها او مماثلة يكتبها لنا.
