السلام عليكم ورحمة الله وبركاته
أسعد الله مساؤكم بالمسرات
من فترة وانا افكر اطلب من بولو التركي بحكم ان اسعاره هنا جدًا رخيصة، عمومُا لي فترة معجب بجكيتاتهم وجودتها لكن السعر الي هنا يخليك تتردد.
بعدها قررت اشوف اسعار بولو التركي وكانت جدًا مناسبة وتشكيلات جديدة الي عندنا ما كانوا منزلين شي للشتاء.
لكن بحكم توتر العلاقات خفت انهم يرفضون دخولها وبعد السؤال للأسف مافيه احد جاوبني، وقررت اتجه لأي وسيط، وبعد سؤالهم صدموني ان الطلبات من تركيا للحين تدخل وتوصل.
توكلت على الله وبحثت اكثر عن شركات اعادة التوجيه ورسيت على ثنتين شوب & شيب وادو لوجستيك.
الي يميز الثانية ان التواصل معهم واتس لكن يعيبهم الوزن الحجمي وغالين شوي وما ارتحت لهم وشوب & شيب بنظري اضمن لكن مشكلتهم عنوانهم مايضبط خصوصًا ان رقمهم خط ارضي والموقع يطلب جوال.
حطيت العنوان مع تعديل بعض الامور مثل، رقم الحساب اضفته مع العنوان بدال الاسم “الموقع يرفض تحط الحساب مع الاسم”
والرقم حطيت رقم جوالي لأني قريت انهم نادر يستخدمون الرقم للتواصل
الحي والمقاطعة كلها طلعتها من العنوان الرئيسي والدفع عن طريق فيزا الانماء.
الجكيت الي طلبته :
https://tr.uspoloassn.com/yesil-mont-sentetik-50224452-vr079/?integration_color=VR033
السعر بعد الخصم 180 ريال تقريبًا يابلااااااااش.
طلبت ثلاث جكيتات لي وللشباب وتوكلت على الله وتممت الطلب، اخذت 4 ايام او 5 لوصولها شوب & شيب وعلى طول راسلتهم بتويتر عشان يضيفونها لطرودي
وفعلًا خلال كم ساعة انضافت.
الوزن 2.72Kg بتكلفة شحن 125 ريال والضريبة 77 ريال، بحسبة سريعة يطلع تكلفة الجكيت الواحد 245 ريال تقريبًا.
الطلب تم في يوم 30 نوفمبر
وصلت شوب & شيب 7 سبتمبر
استلمتها 15 سبتمبر
اختيار المقاس كان بناء على دليل المقاس عندهم من خلال قياس الصدر، اخذت اكبر مني بـ 4cm وطلع معتدل الحمدلله.
