السلام عليكم ورحمة الله وبركاته
حبيت أنقل تجربتي للأفادة للأمانة لأن هالمنتدى والاعضاء يستاهلون كل خير ومثل ما أستفدنا منه ولو أنه العدد والمشاركات قل ولكن الخير بالموجودين.
عندي جهاز نوت 9
طبعـاً الجهاز مريحني ومرتاح منه وله عندي 3 سنوات ومش محتاج أغير الجوال الا للبطارية.
فكرت وقلت حرام أقط مبلغ على جهاز ما يسوى وادفع + 3000 ريال على جهاز مايسوى هالسعر خصوصا مع المبالغه من شركات الهواتف ( سامسونغ وأبل ) وغيرهم
طبعا شاشة الجوال عندي مشلوخة من الأسفل وكذلك من الخلف ورحت الوكيل أبي ابدل البطارية قالي ما يصير لأن وقت ما بنفكه لك راح ينكسر حسب كلامهم وقالي راح نبدلك الشاشة الامامية والكفر الخلفي بـ 1060 ريال ، طبعاً أنا وجهي صار كذا، أستلمت وقلت مالي الا جوال جديد وجات في بالي فكره أني اطلب شاشة من موقع علي اكسبريس.
https://ar.aliexpress.com/item/1005002503315354.html
طبعا كنت متخوف في البداية لكن بعد ماشفت التقييمات توكلت على الله وتأكدت من تفاصيلها أنها مطابقة لجوالي وطلعت علي بـ 380 ريال فقــــط وطلبت الكفر الخلفي من هالمتجر
https://ar.aliexpress.com/item/4000350088003.html
وصلت الشاشة ورحت محل ركبتها بـ 30 ريال، التكلفة بـ 420 ريال الشاشة شامل الكفر الخلفي + تركيب بـ 30 ريال = 450 ريال فقط
للأمانة الجودة ممتازة جداً حتى العامل اللي ركب الشاشة مستغرب يقولي من وين جبتها وجلس يتفصل معاي بسعرها
على العموم حبيت أنقل تجربتي للي ناوي يغير شاشة جواله او عنده جوال قديم ومستخسر يبدل شاشته وبالتوفيق للجميع.
