تجربة طلب علاج Orthomol Fertil Plus الألماني الرائع لضعف الإنجاب عند الرجال

السلام عليكم ورحمة الله وبركاته
مثل ماتلاحظون قلة مشاركاتي,,ولكن اللي دعاني للمشاركة محبتي للخير لكل اخت لي تبغى الانجاب
قحبيت اذكر تجربتنا,,وقبل ذلك ارجو منكم الدعاء لي بتمام الحمل ,,وماشاء الله تبارك الله
المهم بقولكم عن وضعنا الصحي عشان يكون لذيكم تصور بالحالة
أولا:لنا 5 سنوات بدون انجاب
ثانيا:الاسباب معظمها من زوجي كان يعاني من نقص في عدد الحيونات المنوية صحيح عددها مب صفر لكن كان ععدها قليل جدا وحركتها ضعيفة جدا تتراوح بين 10-20% من عددها
بالنسبة لي عندي تكيسات بسيطة ولكن ماتمنع لو كان زوجي سليم 100% على قولة الطبيبات اللي زررتهم,,
كانت لزوجي محاولات في العلاج حيث زار الكثير من الاطباء المشهورين بالرياض وصرفوا له ادوية يأكلها كل 3 شهور ويحلل بعدها ولكن التحسن بسيط جدا ولايؤدي لحمل..صرف الكثير من الفلوس مع تغيير الاطباء ولكن
استمر على هذا الوضع حتى انه قارب يملواتذكر وقتها كنت ادعي ربي كثير بأوقات مختلفة واستغفر وانا مستحضرة قوله تعالى({اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح :10ـ12].
المهم واقول زوجي وش رايك نجرب اشياء طبيعية ,,ووافق وسويت له خلطة العسل+ملكات النحل+طلع النخل+حبوب اللقاح
استمر على هالخطة حول 6شهور ويمكن اكثر صار فيه تحسن والحمدلله ولكن برضوا يحتاج زيادة عدد اما الحركة تحسنت كثير
بعد هذي الراحة اللي اخذها زوجي من الاطباء راح راجع واحد ذكر له صديق,,وخبره زوجي بكل رحلة العلاج والادوية اللي تناولها فرد عليه الطبيب:انه ماعندي علاج اكثر من اللي اخذته لازم تسوي طفل انابيب أو فيه علاج هذا اخر شي تجربه وبعدها اذا مانفع معاك لا عاد تجيني لأني والله ماعندي حل أكثر.. لأن هذا العلاج صرفته لكم واحد تحسن وضعهم وصار فيه حمل بفضل الله وارادته..انت جربه بس تراه مهب موجود في السعودية موجود في ألمانيا شف طريقة تجيبه فيها واستخدمه..
رجع زوجي من الدكتور وكان لأنه خبره ان هذي اخر المحاولات للانجاب بشكل طبيعي,,حاولت اخفف على زوجي وذكرته بالله وبفضل الاستغفار والصدقة..واخذت منه اسم العلاج وبدأت برحلة البحث عنه بالنت والتجارب,,وكانت التجارب اللي عثرت عليها مشجعه جدا,,ولكن للأسف لايوجد هذا العلاج بالسعودية مع انه جاب نتائج جيدة بألمانيا وآمن جدا فهو عبارة عن حبوب مجموعة فيتامينات تؤخذ لمدة 3 شهور
وبعد البحث حصلت على شركةفي المانيا توفره لنا وتوصله لحد باب البيت توكلنا على الله واخذت رقمهم وايمليهم وكلمهم زوجي واتفق معاهم وحول لهم قيمة 350يورو شاملة العلاج والشحن بفيدكس
واسم العلاج اورتومول فيرتيل
وهذي صورته

نسيت اقولكم بعد..بالنسبة لي كنت استخدم البردقوش ,,اشرب منه كاس قبل انام ومستمرة عليه نقريبا لمدة 4 شهور ماوقفته الا يوم حملت+قراءة القران على نفسي
والاهم من كذا صار زوجي يتصدق ويستغفر مع ان حجم الصدقه بسيط جدا بس رحمة الله واسعه
وانا كذلك مستمرة على الاستغفار
وصل العلاج بعد طلبه ب 4ايام تقريبا وكانت الكمية المرسلة كورس لمدة 3 شهور ..داوم عليه زوجي بالضبط ..وبفضل الله وكرمه بعد شهرين ونصف من تناول العلاج بالاضافة الى خلطة العسل اللي ذكرتها فوق ,,حملت