السلام عليكم و رحمة الله و بركاته
حاب آشاركم اليوم تجربة سماعة 4.50 من شركة سينهايزر Sennheiser 4.50 Cs، نزلت بداية عام 2017.
كسماعة مغلقة و بهالسعر تتميز بعزل قوي و تسريب قليل جدا بالتالي تعطيك خصوصية الي حولك ما يقدر يسمع معاك، طبعا سعرها يعتبر ممتاز بالنسبة للميزات ولكن التصميم واضح انه بسيط قدر الامكان للتعويض عن السعر (170$).
قبل كل شي جربت السماعة استعمال يومي في البيت فقط على اللابتوب او الجوال يعني مو من النوع الي يستخدم ل استديو او تسجيل، طبعا السماعة مغلقة closed back Over Ear Noise cancelling، فيها خاصية “مانع الضوضاء لكن مو بالشكل القوي مثل بوز و سوني ولكن اشوفه يآدي الغرض مثلا عندي جهاز منقي الهواء في الغرفة و صوته مزعج للامانة.
السماعة تمحي صوته اذا مشغل الخاصية و تقدر تقفلها بزر على الجنب، ملاحظة لو السماعة مافيها شحن تقدر تشغلها بالسلك طبيعي لكن اذا تبغى هالخاصية لازم يكون فيه شحن في البطارية.
تسريب الصوت اهم نقطة في هذي السماعة للي جالس جنبك مثلا ما يسمع الي انت تسمعه الا بالصوت العالي عالاخير بعكس السماعات الاخرى المغلقة
يكون التسريب في العادة مرتفع نوعا ما، اما هذي السماعة تعتبر من التوب في هذي النقطة مقارنة بفئتها اما العزل الخارجي فيعتبر ممتاز ولكن ليس الأفظل.
تصميم مكان الاذن جاي بشكل بيضاوي ليساعد على تخفيف التسريب و يقفل عالاذن طبعا هالشي معطي السماعة طعم خاص تدخلك عالم ثاني و بشكل
عام سينهايزر دائما مبدعين.
بالتالي الصوت له فخامة البيس متين و جيد و لكن سيئ عند رفع الصوت للآخير و هذا شي طبيعي فانت ما تحتاج ترفع الصوت عالاخير اصلا في الصراحة لا افهم في الميد و التريبل، ولكن قارنتها ب HD598 و Bose QC25 و Beats Pro و اشوفها الافضل للاستعمال اليومي من ناحية الصوت.
السماعة تتسفط و تتقفل بحيث تاخذ حجم اصغر ولكن مكان الاذن غير قابل للدوران و هذا شي سيء لما تحط السماعة على الرقبة من ناحية الجودة مقبولة
صحيح كلها بلاستيك لكن الجودة ممتازة و يجي معها حافظة من قماش بدون شنطة.
نوعية القطن في مكان الاذن جلد هالشي ما بيعجب الي يستخدمون لفترة طويلة و لكن الخامة ممتازة.
من ناحيه أخرى اشوف هالشي للاسف له سلبيات مثل مكان الاذن ضيق مصمم بشكل يمنع التسريب وهالشي ما ناسبني لانه القطن الي في مكان الاذن ما يغطي الاذن كاملة، السماعة تضغط عالراس و غير مريحة للاستعمال الطويل. كحجم تعتبر كبيرة نوعها ما فيها ضخامة في الحجم.
ملاحظات اخرى :
السلك مافيه تحكم مع انها مصممة للاستعمال مع الجوال بحكم المقاومة فيها قليلة يعني ما تطلب AMP 18 Ω.
لاحظت ان الصوت اعلى بالسلك من الاتصال اللاسلكي بالبلوتوث، فيها بلوتوث و لكن استعمالي دائما بالسلك و تقدر تشيل السلك ولاحظت ان السلك يعطيك صوت اعلى بفرق بسيط، البلايستيشن لم يتعرف على السماعة لاسلكيا و عند شبكها سلكيا باليد الصوت سيء و طبعا السماعة ليست محيطية بطبيعة الحال.
التقييم :
الصوت : 8
الجودة: 7
العزل: 9
التصميم: 6
الراحة : 6
التقييم العام: 7.3
العزل هنا اقصد فيه التسريب اما العزل الخارجي تقنيه ال noise cancelling كما ذكرت لا بآس بها.
السعر 190$ مع الضريبه 5% شريتها من BestBuy
الشراء من أمازون الأمريكي
رابط السماعة :
السماعة اعجبتني كثير لكن اضطريت ارجعها و السبب تصميم القطنة على الاذن ما ناسبني.
