تجربة شراء منتجات لفرط التعرق من موقع التسوق الإلكتروني أمازون

تجربة شراء منتجات لفرط التعرق من موقع التسوق الإلكتروني أمازون

بسم الله الرحمن الرحيم

اللهم صل وسلم على نبينا محمد

يا اخوان بذكر لكم تجربتي بالتفصيل، اولا انا انسان اعرق بشدة سواء كان الجو بارد او حار، سواء كنت جالس او واقف، سواء كنت واقف ولا امشي، يعني اعرق 24 ساعة، ووقت التوتر العرق يزيد بصورة غير طبيعية.

يدي دايما معرقة ورجلي.

كنت البس اثواب ملونة لاني لو لبست ثوب ابيض بيبان العرق على الثوب تحت ابطي مهما كانت الظروف.

Advertisement
Advertisement

جربت ابر بوتكس وللاسف ما فادت معي باي شئ. قبل عدة اشهر شفت فنايل داخلية تمنع ظهور البعق، وللامانة سعرها مرتفع لان الفنيلة الواحدة ب26 دولار ما يقارب 90 ريال سعودي.

تجربة شراء منتجات لفرط التعرق من موقع التسوق الإلكتروني أمازون1

رابط الفانيلا :

https://thompsontee.com/men/sweat-proof-undershirt-crewneck.html

توكلت على الله وشريت لي 3 حبات وانا مقاسي L لكن قلت اخذ XL للاحتياط، ولما وصلتني طلعت الفنايل كبيرة جدا جدا جدا وشكيت ان المقاس اللي وصلني XXXXL.

بعد دخول الموقع تبين ان مقاساتهم كبيرة والمفروض تحسبها قبل ما تشتري.

Advertisement
Advertisement

تجربة شراء منتجات لفرط التعرق من موقع التسوق الإلكتروني أمازون2

تواصلت معهم وقالوا ابشر بعزك رجعها ونبدلها لك لكن الشحن على حسابك.

عرضتها بحراج والحمدلله قدرت ابيعها براس المال يعني ما خسرت الا فلوس الشحن.

بعد ما حسبت حجم ملابسي رجعت واشتريت مقاس M والمفروض هو يكون على مقاسي، لكن وصلني وطلع كبير شوي عليا.

اعتقد المفروض اخذ ( S ) سمول.

Advertisement

عموما بعد تجربة التيشيرتات جدا جدا جدا فادتني وصرت البس الثوب الابيض واخذ راحتي واقدر ارفع يدي بدون ما استحي.

بالصدفه باحد المواضيع لقيت هذه المنتجات

تجربة شراء منتجات لفرط التعرق من موقع التسوق الإلكتروني أمازون3

رابط الكريم :

https://www.amazon.com/gp/product/B073G2D3TW/ref=ppx_yo_dt_b_asin_title_o06_s00?ie=UTF8&psc=1

تجربة شراء منتجات لفرط التعرق من موقع التسوق الإلكتروني أمازون4

Advertisement
Advertisement

رابط الكريم :

https://www.amazon.com/gp/product/B0747TC856/ref=ppx_yo_dt_b_asin_title_o06_s00?ie=UTF8&psc=1

المنتج الاول لتقليل التعرق باليد، والمنتج الثاني لتقليل التعرق بالرجل اكرمكم الله.

انا تحمست واخذت لي البكج كامل مثل الصورة ( 2 و 3 ) طبعا هو ينباع لحاله حبة لكن بامكانك تاخذ البكج وتوفر عدد قليل من الدولارات.

جربت حق اليد وفادتني جدا والتعرق صار قليل حتى اذا توترت يصير تعرقي عادي طبيعي مثل اي شخص.

وقت الاختبارات صار يمديني امسك الاوراق بدون ما ابقع عليها بقع عرق.

Advertisement

جدا جدا فادني وصار استعماله يومي بالنسبة ليا، والعلبة الوحدة تطول تقعد معك حول شهرين الى 3 شهور.

بس المشكلة بتقعد فترة لين ما تعرف توزنها. اذا زودت الجرعة يدك بتنشف بدرجة غير طبيعية.

واذا خففت الجرعة بتعرق، يبغالك فترة لين ما توزن الضغطة على علبة الكريم.

بالنسبة لحق القدم، جربته وبامانة ما عجبني، لانه يبغاله حول 5 دقايق عبال ما ينشف ( عكس اللي باليد 30 ثانية وهو ناشف ).

وخفف التعرق لكن بنسبة 30٪ تقريبا، وما صرت استعمله الحين.

Advertisement
Advertisement

قبل اسبوعين وانا اتصفح بأمازون حصلت هذا المنتج من نفس الشركة.

تجربة شراء منتجات لفرط التعرق من موقع التسوق الإلكتروني أمازون5

رابط الكريم :

https://www.amazon.com/gp/product/B07GY241Q3/ref=ppx_yo_dt_b_asin_title_o01_s00?ie=UTF8&psc=1

وبسبب ثقتي بالشركة على طول طلبيته (( للامانة قريت التقييمات وكثير يمدحونه )).
وصلني وكانت طريقة الاستعمال، انك تحطه قبل ما تنام. جربته للان 4 مرات وبكل امانة ما عاد استخدمت الفنايل اللي تخفي البقع صار التعرق بابطي طبيعي جدا.
وصرت البس فنايل عادية تحت الثوب وما اعرق الا اذا سويت مجهود. اخيرا صرت احس اني انسان طبيعي مثلي مثل باقي الناس يمديني البس ملابس عادية واتحرك واروح واجي واسلم على الناس بدون ما استحي.
يعني بالعربي اعيش حياة طبيعية والاسعار اشوفها جدا ممتازة ما يقارب ال60-70 ريال للعلبة الوحدة وتستمر معاك شهور.
وبامانة لو سعرها 200 ريال برضو حشتريها لانها فكت ازمة كبيرة بحياتي حبيت اشارككم تجربتي لاني ادري فيه كثير اشخاص يعانون مثل معاناتي وما يعرفون عن مثل هذه المنتجات جربت قبلها منتجات كثيرة وخسرت مبالغ حول ال2000 ريال بس محد فادني غير هذه الشركة اتمنى اني اكون قدرت اساعد ولو القليل منكم اسعدكم الله في الدارين.

Advertisement

عن عبد القادر

المؤسس و الرئيس التنفيذي لموقع تخيل لتسوق الإلكتروني

اترك تعليقاً

لن يتم نشر عنوان بريدك الإلكتروني.