بسم الله الرحمن الرحيم أمازون التركي
السلام عليكم ورحمة الله وبركاته
حياكم الله جميعا
اليوم راح أطرح لكم تجربتي في الشراء من أمازون التركي. أمازون التركي
نبدأ بالمكونات الأساسية :
بطاقة العملات (وأفضل بطاقة السفر) طبعا ما هو بشرط لكن حتى تحصل على أفضل سعر + عنوان في تركيا (وأنا استخدمت شوب أند شيب) + ترجمة قوقل لأن الموقع ما يدعم الا اللغة التركية.
نبدأ بالخطوات :
– تسجل في الموقع https://www.amazon.com.tr بنفس ايميلك ورقمك السري في أمازون الأمريكي أو البريطاني …الخ ( بمعنى حساب واحد لكل مواقع امازون).
– نجي للشي المهم وهو تسجيل العنوان وما أدراك ما تسجيل العنوان، طبعا العنوان المكتوب في موقع شوب أند شيب للأسف ما يكفي في المكان المخصص فعلشان نحل الاشكال نحتاج للعم قوقل حتى نزبط العنوان ويطلع بالشكل التالي:
وبعدها تختار المنتج اللي تبيه (أنا كنت شاري هاردسك سيجيت 4 قيقا) تكمل علمية الشراء وتدفع بكل سعادة.
– تسجيل الشحنة في شوب اند شيب تأخر كعادته، لكن الحمد لله تسجلت بعد يوم وشوي من وصولها.
ملاحظات:
– الموقع للأسف ما يدعم الا اللغة التركية وكذلك الدعم الفني للأسف ما عندهم الا اللغة التركية.
– قيمة الضريبة في تركيا تقريبا 18% وتواصلت مع الدعم حتى اعرف وش الاجراء لاسترجاع الضريبة لكن ما في تجاوب للأسف وراح ارجع اتفاهم معهم مرة ثانية.
– للناس اللي تنسى أو ماتدري شراؤك من المواقع لا يغني عن دفعك للقيمة المضافة فتنبه الا في أحوال مثل الشراء المباشر اذا دفعت قيمة الضريبة بالموقع.
– انصافا لشوب اند شيب خاصة في الشهر الفضيل التوصيل كان خلال 10 أيام من استلامها، وهذا يحسب لهم.
– أهم نصيحة وأختم بها هو أنك تحرص أن يكون البائع أمازون أو متعاون مع أمازون حتى تضمن حقك بشكل أكبر.
التقييم:
– حالة المنتج 10/8 لأن فيه شق صغنونو في الكرتون.
– تنوع المنتجات في الموقع 10/8.
– الدعم الفني 10/5 لا تاخذه بشكل قطعي مجرد رأي وهذا أول طلب لي معهم ما زلنا في مرحلة تعارف.
– سرعة الشحن 10/10.
هذا ما تيسر لي كتابته وأي سؤال أو استفسار أو نقد أو هواش في خدمتكم.
منقول للإفادة.
