السلام عليكم ورحمة الله وبركاته
أسعد الله أوقاتكم بكل خير
وانا اتصفح في موقع انستغرام قبل عشرة ايام تقريباً ظهرلي اعلان لتطبيق اسمه LIV من بنك الإمارات.
عبارة عن محفظة رقمية وفي السعودية، وبعض المعلومات المذكورة في الصور، التفعيل مباشرة عن طريق ابشر، وبعض المميزات الاخرى، قررت احمله اكتشف ايش قصته.
طبعا التسجيل كان فعلا عبر أبشر مثل طريقة فتح حساب بنكي اونلاين او محفظة STC PAY.
توكلت على الله كملت باقي بياناتي، وبعد انتهيت من التسجيل ذكرو بأن الحساب سيتم تفعيله خلال 5 أيام.
قفلت التطبيق وجاني تنبيه بعد اقل من 10 دقائق بأن الحساب تم تفعيله.
دخلت مباشرة للتطبيق اكتشفه واشوف مميزاته وعيوبه، طبعاً الواجهة سهلة، فيها خصومات على بعض المطاعم والتطبيقات.
المميز في الموضوع، بعد ماتم تفعيل الحساب تم ارسال رسالة من سمسا ( واتساب ) بأنه لك شحنة من بنك الإمارات وبصراحة استغربت من موضوع الشحنة لاني احسب ان الموضوع بس محفظة رقمية، لكن اليوم 13/8/2020 تم استلام شحنة سمسا وفيها بطاقة مدى من البنك.
التطبيق فيه منتجين :
1- حساب لِف : عبارة عن حسابك الشخصي ، تقدر تضيف المبلغ اللي تبغاه ( أقل رصيد تقدر تضيفه 100 ريال ) ومكتوب ملاحظة – اكسب ارباح بقيمة 2% سنوياً.
2- حسابات الهدف : طبعا واضحة، تحط لك مبلغ معين تبغى توصله ويتم اضافة رصيد في الحساب كل شهر.
التطبيق يسمح لك تسدد فواتيرك ( كهرباء – اتصالات … الخ ).
التطبيق يسمح لك سداد فواتيرك الحكومية ( مخالفات مرورية – رخص قيادة … الخ ).
تقدر تحول من المحفظة لأي بنك اخر، تقدر تحول لخويك لمحفظته مباشرة.
اضافة الرصيد للمحفظة يتم عن طريق اي بطاقة مدى او تحويل من البنك للمحفظة.
اترك رد