بسم الله الرحمان الرحيم
السلام عليكم
بحمد الله وتوفيقه تم الاستيراد ووصول البضاعة واستلامها.
عبارة عن كمية 20 الف حبة من البلاستيك، اكواب و صحون ومناديل عليها طباعة خاصة من مصنع في الصين عن طريق موقع علي بابا ali baba والدفع عن طريق علي بابا.
هذا هو رابط المصنع :
سأضع بعض النقاط لاخواني هنا للفائدة
اولا لدي سجل تجاري لمحل ( ليس سجل استيراد )، بعد ماتم الاتفاق مع المصنع و التاكد بوجود بعض الشهادات مثل شهادة المنشأ اعتمدت الطلب ودفعت لهم.
لكل سلعة مواصفات وشهادات معينة تأكد قبل الطلب، الادوات الكهربائية تحتاج تكون مناسبة للمقاييس 220 واط و 60 هرتز وبعضها يتطلب شهادة ساسو هذي تكلف 1000 دولار تقريباً، وبعضها يتطلب تصريح من هئية الدواء والغذاء وبعضها شهادة حلال وهكذا.
تأكد من نوع الشحن هل هو من المصنع لحد باب بيتك او من المصنع للميناء فالصين ويخلونك تتولاها من هناك دبر عمرك مع شركة اخرى او من المصنع للميناء بالسعودية او شحن بالطيارة بعد ماتتأكد احسب التكاليف.
نوع الشحن عندي كان CIF اتحمل تكاليف التخليص بميناء السعودية، لكن للاسف بخط السير السفينة وقفت في دبي (جبل علي) ونزلو شحنتي عشان ينزلون بضايع لدبي ثم رجعو حملوها وشحنوها للرياض، هذي كلفتني 2065 ريال رسوم مؤاني دفعتها عند التخليص الجمركي.
الاشياء الي يتطلب انك تسويها عند الاستيراد اذا عندك سجل او انت فرد ومحتاج تستورد
اول شئ :
تفتح حساب بالجمارك السعودية الخدمات الالكترونية، مستخدم جديد، وتعبي بياناتك كاملة وتختار انت مستورد او مخلص جمركي.
طبعاً يطلب تفعيل للحساب لو دخلت هويتك او سجلك التجاري ماراح يتفعل لازم فيه خطوة مهمة تسويها، فيه نموذج تفعيل حساب الكتروني موجود بموقع الجمارك تعبية وتطبعه على اوراق رسمية للمؤسسة عندك ثم توديه الغرفة التجارية تسوي له تصديق بـ25 ريال سعودي، صورة من سجلك التجاري و صورة من هويتك
وتتجه لاقرب منفذ للجمارك ( سوا بالمطار او غيره ) تدخل عليهم وتعطيهم اوراقك يفعل لك حسابك. بعدين ترجع وتستخدم حسابك، تقدر تسوي تفويض لاي مخلص جمركي اتفقت معه مسبقاً وعجبك سعره. مجرد تحط رقم الترخيص تبعه يطلع لك اسمه كامل ويتم تفويضك الكترونياً.
تسوي التفويض الالكتروني ويعطيك خيارات التفويض لمرة او لعدة مرات انت تختار الي يناسبك، بعدين تبحث على النت عن نموذج لتفويض مخلص جمركي، وتنسخه وتعبي فيه بياناتك وبيانات الشحنة وبيانات المخلص وتطبعة على ورق المؤسسة و تروح الغرفة التجارية تعمل له ((( تصديق )) بـ 25 ريال سعودي.
( لو ماعندك ورق مؤسسة عادي اعمل لك كم نسخه بالفوتشوب خلي الشعار حقك خلفية الصفحة واكتب عنوان المحل و رقم التواصل فالاسفل )
المصنع في هذه الاثناء يكون ارسل لك بالبريد الممتاز، الاوراق الاصلية للشحنة، الفواتير و بوليصة الشحن وشهادة المنشأ وغيرها الي تحتاجه الجمارك ( بحسب نوع السلع تختلف المتطلبات ). بعض الاوراق تتطلب تكون مختومة من الصين.
الان ترسل كل الاوراق الي وصلتك من المصنع + صورة من سجلك التجاري او هويتك + تفويض المخلص الجمركي الالكتروني مطبوع ومصدق من الغرفة التجارية. ترسلها للمخلص الجمركي وهو يتولى المسؤولية لين توصلك البضاعة لمكانك سوا مستودع او مصنع.
التخليص الجمركي مكلف وخط سير الشحن ايضا وهقني ودفعت مبلغ جامد عشان تنزيل الشحنة في دبي وانا مايخصني للاسف.
فقبل تطلب اي سلعة بكمية تجارية انصح بالبحث والتدقيق عن المخلصين والاسعار واسعار الشحن، لان ممكن تطلع عليك من المصنع رخيصة بس لما تستلمها وتحسب التكاليف كاملة تكون خسران فيها ولو كنت اشتريتها من هنا وفرت على نفسك.
التخليص الجمركي كلفني 500 ريال سعودي
اجور عمال 150ريال سعودي
رسوم مؤاني 2065 ريال سعودي
رسوم جمركية 225 ريال سعودي
و لمعرفة طريقة الشراء من موقع علي بابا Ali baba بالتفصيل ندعوكم لقراءة هذا المقال
طريقة الشراء من موقع علي بابا Ali Baba بالتفصيل للمحترفين والمبتدئين
هذا ماعندي اسال الله التوفيق لي ولكم دعواتكم.
بقلم بروق.
