بسم الله الرحمن الرحيم
اول تجربة لي للشراء من موقع نون والتجربة ناجحة ولله الحمد مع وجود بعض الملاحظات.
هنا رابط الموقع :
تم طلب جهاز ايفون x فضي 256 قيقا في يوم 15 ديسمبر بسعر 4549 ريال سعودي والشحن مجاني وقت التوصيل المتوقع يوم 20 ديسمبر، اقل سعر شفته للجهاز خاصة انه بالفيس تايم.
في يوم 17 ديسمبر جاني اتصال من مندوب نون انبسطت صراحة وقلت شيء جدا ممتاز اذا التوصيل في يومين بس، ارسلت له اللوكيشن رجع اتصل علي يقول انا في الرياض، قلت له عنوان طلبي على جدة قال ما ادري برجع الشحنة للمستودع ونرسلها لك من جديد، انتظرت الى يوم 20 ورجعت اتصلت على خدمة العملاء وقال الموظف الشحنة خرجت للتوصيل وحضرتك ما استلمتها، وضحت له انها خرجت للتوصيل في الرياض وانا في جده طبيعي مابقدر استلمها، قال خلاص راح تستلمها اليوم قبل الساعة 10 المساء، انتهى اليوم ولا استلمت الشحنة ورجعت اتصلت اليوم الثاني، ولكن طلبت الغاء الشحنة ورد الموظف بانه لا يستطيع الغاء الشحنة الا بعد مرور 10 ايام وعدم استلامها سألت عن كيفية استرجاع المبلغ خصوصا اني دفعت بالفيزا، قال المبلغ يرجع لك كرصيد نون وتقدر تسترجعه لاحقا وتاخذ العملية من 14 – 30 يوم حسب البنك نقطة مهمة جدا.
تم استلام الشحنة اليوم 23 ديسمبر، يعني اخذت 8 ايام بالضبط حتى توصلني والحمد لله كل شيء تمام.
تقيمي للموقع :
جيد جدا توقعته افضل من كذا
خدمة العملاء :
7 من 10
شركة الشحن الخاصة بنون :
5 من 10
تغليف الطلب :
ممتاز
صور الطرد و الجهاز :
