بسم الله الرحمن الرحيم
السلام عليكم ورحمة الله وبركاته
الحقيقة إني اسمع كثير من اصدقاء وزملاء عن المشاكل والاختلافات في الأقوال وقت الحوادث وكيف دخلوا في متاهات بسببها، فقلت اشتري DASHCAM أو بالعربي كاميرة طبلون، وفكرتها انها تصور اللي يصير في السيارة صورة أو صوت وصورة.
وكنت ابيها صراحة تشبك على مدخل الولّاعة ” تطفى وتشتغل مع السيارة “، المعضلة كانت اختار ايش من الف شركة؟ ولازم تتحمل درجات برودة عالية.
فوقع الاختيار بعد بحث قصير جدا على هذي الكاميرة AUKEY Dash Cam DR02 على موقع أمازون Amazon.
رابط الكاميرا :
https://www.amazon.com/gp/product/B0…?ie=UTF8&psc=1
لسببين، الاول انها تتحمل درجات عالية إلى 75 درجة لأنها بدون بطارية، الثاني لأنها نوعاً ما رخيصة وتقييمها جدا جيد + الكاميرة تستخدم SD CARD Class 10 فلازم تشتريها وركز على الClass.
وشريتها مع المنتجات هذه ايضاً :
https://www.amazon.com/gp/product/B0…?ie=UTF8&psc=1
https://www.amazon.com/gp/product/B0…?ie=UTF8&psc=1
وعدة شواحن للايفون احتاج اجربها فترة عشان اقيمها.
والشحن كان عن طريق FISHISFAST – ARAMIX، كعادتهم معي سريعين جدا، واراميكس الظاهر انا الوحيد اللي يعاملونه بإحترافية.
صور وصول الطرد :
محتويات صندوق الكاميرة :
نجي للجزء المهم، التركيب، اليوتيوب يعج بمقاطع وطرق لتركيب الكاميرة لسيارات كثيرة ومع اني ما لقيت مقطع لسيارتي بدون ما يلمسون الفيوز، فاخذت الفكرة منهم وكملت الباقي.
الفكرة انك تشبك الكاميرة إلى منفذ “الولاعة” بدون ما تشوه المنظر بالأسلاك وغالب السيارات تقدر تدخلها من عند زاوية الديكور نفسه او موازي له من المراية الامامية مروراً بزاوية الباب أو ال A pillar حتى تنزلها من خلال أو خلف صندوق التخزين Glove box.
واذا فيه جهة صعبة تثبت السلك داخل الديكور تقدر تستخدم اللصقة اللي تثبت السلك مثل اللي تجي مع الكاميرة وعددها 2.
وانا سويتها صراحة لكن في زاوية كانت صعبة وما بغيت اشد بسحب الديكور فخليتها لأن لون الداخلية نفس لون السلك وفادني الموضوع.
جودتها جداً جيدة وتؤدي الغرض صوت وصورة واكتبوا اسمها باليوتيوب فيه مقاطع وتجارب لها ولأي نوع تفكرون فيه.
