بسم الله الرحمن الرحيم
من فترة وانا حاط عيني على الفيزا الرقمية من بنك الرياض وهي عبارة عن فيزا افتراضية يعني مالها اي كرت حقيقي، كنت ابي اجربها، ولله الحمد ذهبت امس الى احد فروع بنك الرياض، وفتحت حساب ورجعت البيت وعملت حساب على الاون لاين وطلبت الفيزا الرقمية وقلت خليني اسوي تقرير خفيف لطيف.
طبعا مثل ما يعرف الغالبية ان الفيزا الرقمية مجانية بدون رسوم سنوية.
طبعا اقل مبلغ يمكن تحويله من الحساب الى الفيزا هو 10 ريال سعودي وانا قمت بتجربة تحويل مبلغ 11 ريال سعودي.
وهذه صورة من داخل الحساب لشكل البطاقة :
سعر الصرف مثل ما يوضح في الموقع هو : 3.855 ريال سعودي.
قمت باجراء عملية شرائية بالدولار وتم احتساب سعر الصرف : 3.75 ريال سعودي، طبعا اكيد بعد ايام راح يتغير السعر ويتم احتساب الفرق.
اجريت عملية تحويل الى الفيزا ( بمبلغ 10 ريال سعودي ) الساعة 12:49 صباحا وتمت العملية بدون مشاكل، مو مثل بعض البنوك الاخرى.
لو سأل احدهم : ابها افضل البطاقة الرقمية من بنك الرياض او بطاقة الانماء المربوطة بالحساب ؟
اجيب عليه :
1 – تتميز الانماء بسعر صرف اقل 3.83 مقابل البطاقة الرقمية 3.85.
2- البطاقة الرقمية تتميز انها مقبولة في جميع الموقع اللي تقبل فيزا مسبقة الدفع، بعكس بطاقة الانماء توجد بعض المواقع ترفض بطاقة الانماء لأنها من نوع ديبت كارد.
اخيرا البطاقة الرقمية تقبل ارجاع المبالغ من الفيزا الى الحساب الشخصي ( عن طريق الاتصال بخدمة العملاء ).
تحياتي.
منقول للإفادة.
