السلام عليكم و رحمة الله و بركاته
حقولكم على موقع عطور جميل جدا، يعني شخصيا عجبني.
هذا الموقع اللي حقول عليه اليوم هو من مواقع ال grey market للعطور
بس كويس، لان طبعا في مواقع حلوة grey market ومواقع لا.
انا جربته مرتين بس وكانت تجارب كويسة، انا حبيته اكتر من فراجرنس اكس، لان فراجرنس اكس المضروب كتير هناك والقديم كتير بردو عندهم.
الموقع هو notino
بس بيشحن لبريطانيا بس، يعني لازم شركة اعادة توجيه بريطاني.
انا اخترت اشحن ل mainbox ووفي بردو ممكن تختاروا ارامكس شوب اند شيب.
بس ما اخترت شوب اند شيب عشان كنت ابغي تجميع من بريطانيا من notino ومواقع تانية
وكمان عشان مع mainbox ما حدفع رسوم عطور 10$ اضافية غير الشحن زي ارامكس
المهم، طلبت من نوتينو وكان شحنهم سريع، والحلو عندهم خيار نغلف المنتجات
بس 3 منتجات تسمح بتغليف واحد، في السلة خيارات لون الكرتون واي منتجات فيها.
اخترت كرتون وردي نفس الوان المنتجات اللي اشتريتها.
يعني حلو لو الواحد بيفكر يجيب هدية لاحد.
يمكن مطالعة : تجربة شراء عطر أصلي من موقع فرنسي و إرساله لزبون من المغرب بإستخدام خدمة تخيل للشحن
انا طلبت تغليف هدية بس انه هدية لنفسي. وقلت بالمرة حيكون زيادة حماية للمنتجاات.
لو الواحد مشتري عطور خايف عليها في النقل، انصح جدا يختار التغليف هدا لان بيحمي فعلا.
ووصلني الطلب وكان في كرتون الهدية اخترت يتحط فيه اللوشن ومعطر الجسم ومعطر الشعر.
وخليت برة زيت الشعر وكريم تاني كنت قلت اخليه كريم يد احطه في شنطتي لانه من نفس ماركة العطر.
بس وصلني الكريم الصغير خربان، وطبعا هذا شي وارد حدوثه عند التسوق من مواقع
ال grey market، او ممكن خرب من حرارة فترة التنقل والشحن الله اعلم.
المهم كلمتهم واعطوني بثمنه قسيمة شرائية في حسابي تنتهي شهر 11 ميلادي.
فهو بردو شي حلو. ان بيعووضوا لو شي تالف.
واما المنتجات اللي كانت داخل كرتون الهدية. كانوا مدلعين مااتبهدلوا في النقل ههههه وكمان
مسكتهم لما فتحت التغليف كان فيهم برودة خفيفة. مو زي الاشياء اللي برا التغليف.
والشي التاني اللي اشتريته هو زيت عناية للشعر المصبوغ.
واللي اشتريتهم عجبوني الحمد لله.
العطر ريحته تدوم وقت وسط ويشمه اللي يقرب مني. بس مو من نوعية ان ادخل غرفه فالناس
تشم وهما بعيد عني او ان امر بممر وريحة العطر تثبت في الممر دليل ان مريت.
كمان يتشم لو رحت اجلس جنب احد. لما حصل كدا في مرة جلست جنب احد الاشخاص عندي
في البيت فسمعت تعليق ان لما جلست جات ريحة جميله فجاه. يعني عموما فئه هذا العطر
من نوع ان ريحته تبان عند الاقتراب فقط. يعني عطر ناعم.
بس كذا كذا هو مو غالي اساسا وانه حلو عجبني عشان عطر حلويات 
وانا بحب السويتز.
وينفع ممكن عطر للبيت يومي، عطر اقتصادي.
بس شوي ندمت ان جبت معطر الشعر يعني حسيته واضح فيه ريحة كحول. ماحسيت يعطر
بشكل كبير، وغير ان الكحول اسااسا مضر للشعر يجففه، بس يلا تجربة 
.
وقريبا استنوا موقعهم هنا للشحن الدولي
واتوقع يوم مايفتح دولي. حيغلب فراجرنس اكس.
وكمان اقولكم نصيحة، بلاش تشتروا عطر عمياني من غير ماتكونوا شميتوه. حتي لو عليه كلام حلو.
انا من العطور اللي اشتريتها عمياني عددهم 6
اتنين بس عجبوني وحكرر شراؤهم والباقي كله حسيته عادي
وخسرت طبعا فلوس منتجات وشحن وفي الاخر حسيت عاديين. سعات كان بيلفتني الكلام او المدح
على بعض العطور او شهرتهم او شكل العلبة. بس صراحة حاولوا مايغريكم كل دي الاشياء.
ومن اللي ماعجبوني واحد اشتريته من موقع و سعره 850 ريال سعودي مع انه مشهور وماركة و wow بس ماعجبني
أو يمكن لان مافيه النوتا اللي بحبها.
لان لاحظت بيعجبني عطور الفانيلا والجورماند اكتر، بس بردو احسن تروحوا المحلات تشموا
في السوق ولو غالي اشتروه من برا. بس تكونوا شميتوه وعجبكم.
اما blind buy لا.
صور العطور :
وهذه صورة الكريم الصغير اللي وصل شكله خربان صورته لهم ورجعولي سعره رصيد في حسابي عندهم.
