شراء ملابس من U.S POLO ASSN التركي
راح ادخل بالموضوع بشكل مباشر، لي تجارب سابقة مع موقع بولو التركي وكلها ناجحة ولله الحمد وملابسهم ذات جودة عالية جدًا ايضًا
اتكلم عن الملابس العلوية على وجه الخصوص، اما الجزم تكرمون والشنط لا انصح فيها نهائيًا لسوء الجودة
بالبداية كنت اشحن على شوب اند شيب ولكن كان جايني اتصال منهم قبل فترة انهم وقفوا الشحن على العنوان التركي بسبب مشاكل ومدري ايش
وقلت خلني ارسل لهم اشوف وش صار على الموضوع لأنه العنوان تغير بعد المكالمة بفترة
وتواصلت معهم وارسلت لهم وقالوا راح نتصل فيك قريبًا، وراسلت ادويت لوجيستيك واجابوني بأنه مسموح الشحن وعن طريق فيدكس ايضًا
وبحكم اني مستعجل قررت اجرب الثانية لأن شوب اند شيب تأخروا بالرد علي صراحة
توكلت على الله وطلبت منهم 7 قطع هذي روابطها:
https://tr.uspoloassn.com/yesil-t-shirt-50219186-vr027/
https://tr.uspoloassn.com/lacivert-t…0229180-vr033/
https://tr.uspoloassn.com/kirmizi-t-…0217762-vr030/
https://tr.uspoloassn.com/lacivert-t…on_color=VR033
https://tr.uspoloassn.com/siyah-swea…0234154-vr046/
وفيه قطعتين مالقيت روابطهم لأن نظام الموقع شوي غبي ماتقدر تدخل على روابط السلع بعد الطلب للاسف
المهم اجمالي الطلب لـ7 قطع بالليرة التركية هو 546.11، وقتها كان سعر الصرف 0.48 ريال لكل ليرة
يعني 262 ريال لل7 قطع وشحنتها لعنواني في شركة ادويت وحسبوها على انها 2 كيلو وعطوني سعر شحن 270 ليرة ووقتها كان سعر الصرف 0.45
وطلع علي الشحن بـ130 ريال تقريبًا، يعني الاجمالي 392 ريال حتى الآن، شراء ملابس من U.S POLO ASSN التركي
وبعد الشحن بيومين رجعو لي مبلغ 45 ليرة كرصيد بالمحفظة ونزلوا لي وزن الشحنة لـ1.5 كيلو،
ولما وصلت لقيتهم حاطين ان قيمتها 20$ ودفعت 11 ريال ضريبة القيمة المضافة ليصبح المبلغ الاجمالي بعد الخصم والضريبة هو 375 ريال
هذي صور الاغراض من تصويرهم عند الوصول :
وهذي صورة للاغراض قبل الشحن ولاحظوا انهم سفطوها عشان الشحن
وهذا شكل الشحنة يوم وصلتني
تاريخ الطلب من موقع بولو كان 26 مارس، وتاريخ الشحن كان بعدها بيوم، وتاريخ وصولها لأدويت كان 30 مارس وسجلوها اليوم اللي بعده
واستلمتها بتاريخ 6 ابريل، يعني 10 ايام بالضبط من تاريخ الطلب لتاريخ الاستلام واشوفها ممتازة بحكم اني استخدم شركة اعادة توجيه
للفروقات اللي لاحظتها بين شوب اند شيب وادويت:
- امكانية تجميع الشحنات عند ادويت، شوب اند شيب بدون تجميع
- اعادة تغليف الشحنات لتخفيف الوزن عند ادويت، شوب اند شيب مايغيرون اي شي
- امكانية دفع قيمة الشحن عند الاستلام لدى شوب اند شيب، ادويت لازم تدفع عشان يشحنون
- تسجيل قيمة ارخص للمشتريات عند ادويت لتخفيض الضريبة، شوب اند شيب يدفعونك حتى على سعر الشحن ضريبة
- التوصيل الى باب المنزل عن طريق فيدكس عند ادويت، اما شوب اند شيب تستلمها من الفرع وتمسك سرا بعد
ادويت عنوانها مجاني وفيها شرح واضح لوضع العنوان في بعض المواقع التركية، شوب اند شيب بمبلغ مادي يدفع لمرة واحدة فقط
وبالنسبة للمقاسات انا شخصيًا ذهبت لأحد فروعهم واخذت قياسي وبعدها طلبت وجاء نفس المقاس بالضبط ولله الحمد
ونقلت تجربتي لأني بحثت قبلها عن تجارب لأدويت ولقيت عدد قليل جدًا من التجارب صراحة وكنت متخوف شوي منهم لكن توكلت على الله وطلبت
هذا موقع شراء ملابس من U.S POLO ASSN التركي للي حاب يسجل فيه:
https://www.adwhitlojistik.com/
وهذا شرح منهم لوضع العنوان في الموقع:
واخيرًا الموقع ليست اول مرة اقوم بالشراء منه وملابسهم ذات جودة عالية ومع نزول سعر الليرة التركية ارى ان الشراء منه خيار مناسب.
