حبيت اطرح تجربتي في خدمة تابي Tabby والطلب من موقع باريس غاليري Paris Gallery
تعريف خدمة تابي Tabby، شركة مصرحة من البنك المركزي السعودي، لديهم خيارين استلام المنتج و الدفع بعد 14 يوم او الدفع بالأقساط دفعة اولى وقسط على ثلاث اشهر يعني اربع دفعات وبدون رسوم وبدون حاجة لبطاقة ائتمانية.
خدمة تابي Tabby من زمان اشوفها وابي استعملها، فواحد من اللي اتابعهم في السناب راعي عطور “نيش”
نصح بعطر بيجاسوس من دار دي مارلي فبحثت عنه وطلع في باريس غاليري فرحت المول وشميته ووقعت في حبه، لكن سعره عالي 1176 ريال.
بحثت اونلاين ووجدت فارق كبير في السعر في امازون ونون وقولدن سنت فشكيت انه مو اصلي فدخلت موقع دار دي مارلي ولقيت ان باريس غاليري موزع معتمد فدخلت متجر باريس غاليري ولقيت انهم يدعمون خدمة تابي Tabby.
عزمت على الشراء دخلت موقع باريس غاليري وجدت هذه العلامة بجنب المنتج
وعند انهاء الطلب يجيك خيارات الدفع انا اخترت اقساط شهرية
تسجل رقم جوالك اعتقد انه لازم يكون اللي مسجل به بأبشر “غير متأكد”وايميلك، يجيك رمز تحقق على جوالك تدخله وتحط بطاقة الدفع سواء مدى او فيزا او ماستر كارد.
وكل شهر عند استحقاق الدفع يرسلون رسالة نصية فيها رابط تدفع من خلاله “توني اول شهر”
وبكذا تم طلبك وتم الطلب من باريس غاليري يوم الثلاثاء 8 رمضان وتم استلام الطلب يوم السبت 12 رمضان عبر ارامكس.
صور للبكج والعطر:
التتبع:
خلصنا من الطلب خلونا نذكر مميزات وعيوب تابي.
مميزات خدمة تابي Tabby:
1/ الدفع ببطاقة مدى
2/ خيارات الدفع اقساط او بعد 14 يوم
3/ بدون فوائد او رسوم “حاليا” وعساهم يستمرون
4/ تقدر تدفع القسط القادم في وقته او مبكر
عيوب خدمة تابي Tabby:
1/ حد اعلى للمشتريات 3000 ريال “اتمنى يرفعونها ل5000”
2/ قلة المواقع اللي تدعم الخدمة حاليا “اتمنى يضيفون المواقع الكبيرة مثل جرير وامازون”
3/ بعض المتاجر المدعومة يبالغون بسعر المنتج لانهم يدرون ان الناس بتشتري بالتقسيط “شفتها في الايفون والبلايتيشن 5”
ولها شركة منافسة اسمها “تمارا”، وانصح اللي يمكن انه يتعثر في السداد ما يجربها لانها مربوطة بسمة وقد تأثر على سجلك الائتماني.
في النهاية هي خدمة جديدة وجميلة ما دامت بدون فوائد ورسوم.
اترك رد