السلام عليكم ورحمة الله و بركاته
بنقلكم تجربتي في استخدام ZenMarket
اول شي تعريف بسيط هي شركه يابانية تشتري بنيابة عنك من اي موقع ياباني، طريقة الدفع تشحن عندهم ببطاقة بنكية او باي بال.
بوضح نقطة هذي مب اول مرة اطلب عن طريقهم لكن الي تغير ان خيارات الشحن لسعودية اصبحت فقط 3، البريد العادي/الياباني الى سبل السعودي، فيديكس، دي اتش ال.
ببدا بالشحن لان كثير منكم ممكن يهون من يشوف الشحن
شحنتي وزنها 8 كيلو اي 8000 غرام
وضح فرق السعر كيف انا دفعت الشحن 200 ريال (170+30 عشان تقوية الكرتون)، بعد تقريبا 85 يوم وصلت شحنتي لسعودية/سبل يوم الاربعاء
يوم الخميس اصدوا لي فاتورة الجمارك واستلمتها يوم السبت.
الشي الي ابي اوضحه اذا بتطلب عن طريقهم عند واحد من اثنين يا تشحن بي البريد العادي وتنتظر او تشحن بي فدكس او الدي اتش ال وتدفع مبلغ وقدره لشحن.
الموقع يسمحلك تتقضى من مواقع مختلفة وتدفع 300 ين تقريبا 9 ريال عمولة على كل قطعة تشتريها ما عدا القطع الي في قسم Zen
لكن راح تدفع عليها شحن داخلي ممكن 10 ريال
بمعنى بتشتري قطعة بتدفع سعر المنتج + عمولة 9 ريال+ لو فيه شحن داخلي.
مع كل هذا مازلت انصح به للاشخاص الي بيشترون شي مستخدم نعم مستخدم.
كمثال اشتريت من مزاد ياهو مجموعة كتب بي 750 ين ودفعت شحن داخلي بي 850 ين وعمولة مزايدة 75 ين، المجموع 49 ريال للمجموعة كاملة شي رخيص مرة
غير هذا بحثت عن اشياء ابيها في امازون اسعارها 27000 ين يعني 800 ريال، لقيتها في ياهو (مب مزاد ياهو ياهو العادي) بي 789 ين يعني 23 ريال بالشحن والعمولة فرق بشكل.
وبعض الاغراض في صفحة امازون نفسها تلقى فيه اختار بائعين اخرين بعضهم يبيعها جديدة وبعضهم مستخدمة، اخذ الرابط واحطه في زن ماركت واختار اي وحدة اختار، كمثال هذا المنتج من امازون الياباني.
بعد ما ندخل الرابط في زن ماركت
نختار مستخدم بحالة جيدة جدا
نختار بحالة جيدة
بشوف مزاد ياهو
في الصفحة حاطلك ان فيه كم دقشة في الزاوية
ملاحظه مهمه قبل تشتري جهاز او كريم تاكد من زن ماركت انه يقبل الشحن بالبريد العادي
اذا ما راح تشتري اشياء مستخدمة من رايي ما تحتاج ZenMarket اطلب من امازون دايركت او اشحن لي شوب اند شب حقت ارامكس (8 كيلو كانت بتكلفني مع ارامكس 538 ريال و لو اني مشترك بفلكس 333 ريال).
اذا ماراح تحتك بالبائع الياباني ما تحتاج ناس مثل زن ماركت، لكن اذا هدفك تشتري عن طريقهم عشان تشحن بي البريد العادي وتوفر فلوس ترا ما فرقت لانهم ياخذون عمولة + 3.5% من اي مبلغ تشحنه لهم.
بمعنى هم وارامكس فلكس نفس السعر الفرق انت من وين بتطلب، اذا امازون ومواقع تقبل البطاقة السعودية استخدم ارامكس فلكس، اذا تببي تطلب من مزاد وياهو انصحك بوسيط (زن ماركت).
في الاخير اغراضي وصلت اغلبها اشياء مستخدمة ووصلتني بجودة ممتازة ولله الحمد، بس للعلم اغلب شحناتي من اليابان اطلبها من امازون الياباني وسعر شحنهم يعد معقول 64 ريال لاغلب الاشياء.
جرب اطلب من دول مختلفة ومواقع مختلفة وجرب.
إقرأ أيضا:
